"ASAN Könüllüləri" Təşkilatının 1 saylı Gəncə regional "ASAN Xidmət" mərkəzinin nümayəndəliyinin təşəbbüsü ilə 26 İyun - Silahlı Qüvvələr Günü ilə əlaqədar olaraq Vətən müharibəsi iştirakçıları ilə görüş keçirilib. Vətən müharibəsi iştirakçıları "Əsgərə Məktub" layihəsinə qoşularaq həmyoldaşlarına öz ürək sözlərini ünvanlayıblar.

Bərdə regional "ASAN xidmət" mərkəzinin könüllülərinin iştirakı ilə N saylı hərbi hissədə 26 İyun - Silahlı Qüvvələr Günü ilə bağlı tədbir həyata keçirilib.

Tədbirdən əvvəl ilk olaraq ASAN könüllüləri ilə birgə işğaldan azad olunmuş Suqovuşan qəsəbəsi və Ağdam rayonunun Qızıl Kəngərli kəndinə gedilib, əsgərlərimizə “Əsgərə Məktub” layihəsi çərçivəsində vətəndaşlar tərəfindən yazılmış məktublar paylanılıb.

"ASAN Könüllüləri" Təşkilatının "Əsgərə Məktub" layihəsi çərçivəsində 6 saylı Bakı "ASAN xidmət" mərkəzi üzrə nümayəndəliyinin təşəbbüsü ilə 26 İyun - Silahlı Qüvvələr Günü ilə əlaqədar olaraq Heydər Əliyev adına Azərbaycan Hərb Tarixi Muzeyinə ekskursiya edilib.

“ASAN Könüllüləri” Təşkilatının 1 saylı Gəncə regional "ASAN xidmət" mərkəzi üzrə nümayəndəliyinin təşəbbüsü ilə şəhid Əliyev Tunarın ailəsinə ziyarət olunub.

Ziyarət çərçivəsində şəhid ailəsinə könüllü tərəfindən şəhidin zərlə işlənmiş portreti təqdim edilib.

"ASAN Könüllüləri" Təşkilatının “Əsgərə Məktub” layihəsi çərçivəsində N saylı hərbi hissənin təşəbbüsü və Bərdə regional "ASAN xidmət" mərkəzinin könüllülərinin iştirakı ilə vətəndaşlar tərəfindən ünvanlanan məktublar və “Əsgərə Kitab” aksiyası çərçivəsində toplanan kitablar qəhrəman əsgərlərimizə təqdim olunub.

Görüş zamanı Füzuli Dövlət Dram Teatrı konsert-tamaşa proqramı ilə çıxış edib.

Məktubların çatdırılmasında məqsəd Azərbaycan əsgərinə mənəvi dəstək olmaq, onlarda olan ruh yüksəkliyini artırmaq, göstərdikləri şücaətə görə onlara təşəkkür etmək, xalqımızın dəstəyini və birliyini nümayiş etdirməkdir.

"ASAN Könüllüləri" Təşkilatının "Əsgərə Məktub" layihəsi çərçivəsində Nazim Rəfiyev adına 104 nömrəli tam orta məktəbin 1-b sinif şagirdləri “Əsgərə Məktub” layihəsinə qoşulublar.

Onlar müzəffər ordumuzun cəsur əsgərlərinə öz ürək sözlərini ünvanlayıblar.