Xəbərlər

150434487_3624222770965441_4790237561947635844_o.jpg

Polad Həşimovun oğlu Davud Həşimovun yazdığı “Əsgərə Məktub”u sizinlə paylaşırıq!

Milli Qəhrəmanımız general-mayor Polad Həşimovun oğlu Davud Həşimovun yazdığı “Əsgərə Məktub”u sizinlə paylaşırıq!

Qeyd edək ki, hər biriniz www.esgeremektub.az saytına daxil olaraq və ya "ASAN xidmət" mərkəzlərində yerləşən "Əsgərə Məktub" köşklərinə yaxınlaşaraq qələbəni bizə yaşadan qəhrəman əsgərlərimizə öz ürək sözlərinizi ünvanlaya bilərsiniz!

 


Ətraflı

147698657_3611339228920462_3241049768896090656_n.jpg

Milli Qəhrəman Şükür Həmidovun atası tərəfindən "Əsgərə Məktub" var!

Milli Qəhrəman Şükür Həmidovun atası tərəfindən yazılmış “Əsgərə Məktub”u sizinlə paylaşırıq!

Qeyd edək ki, hər biriniz www.esgeremektub.az saytına daxil olaraq və ya "ASAN xidmət" mərkəzlərində yerləşən "Əsgərə Məktub" köşklərinə yaxınlaşaraq qələbəni bizə yaşadan qəhrəman əsgərlərimizə öz ürək sözlərinizi ünvanlaya bilərsiniz!


Ətraflı

musabiqe.png

"Əsgərə Məktub" lahiyəsi çərçivəsində hərbi-vətənpərvərlik, döyüş mövzusunda 6- ci müsabiqə

“ASAN Könüllüləri” Təşkilatı “Əsgərə Məktub” layihəsi çərçivəsində hərbi-vətənpərvərlik, döyüş mövzusunda keçirilən müsabiqənin 6-ci buraxılışını təqdim edirik!

“Baker Tilly” şirkətinin tərəfdaşlığı ilə həyata keçirilən müsabiqənin sualları ilə digər fotoda tanış ola bilərsiniz.

Müsabiqədə iştirak etmək üçün şərtlərimiz:

1. Verilən 4 sualın hər birinə düzgün cavab vermək lazımdır.

2. Düzgün cavablar bir şərh daxilində qeyd olunmalıdır.

Müsabiqədə iştirak üçün son tarix: 11.02.21 saat 17:00

Müsabiqənin suallarına düzgün cavab verən ilk 2 şəxs qalib olacaq və tərəfdaş qurum tərəfindən dəyərli hədiyyələr qazanacaq.

Qeyd etmək istərdik ki, müsabiqə bu həftə facebook sosial şəbəkəsində, növbəti həftə isə instagram sosial şəbəkəsindəki rəsmi hesabımızda baş tutacaqdır.


Ətraflı

147327628_3602013959852989_8239423214012875028_n.jpg

"İgidlərimizi Tanıyaq" rubrikası- Əsədov Malik

“İgidlərimizi Tanıyaq” rubrikasının növbəti buraxılışı:

Son nəfəsində belə Vətən deyən Milli Qəhrəman - Əsədov Malik.

Tarix 1992-ci il yanvar 12-si idi. Mingəçevirdən 20 nəfər döyüşçü Şuşaya getməliydi. Malik Əsədov da döyüşçülərin arasında idi. Onlar Şuşada və ətraf kəndlərdə postlarda durmuşdular. Sonra isə onları Daşaltı kəndinin yaxınlığındakı Nəbilər kəndinə göndərdilər.

Həmin ayın 18-də düşmən kəndə hər tərəfdən hücuma keçmişdi. Yaraqlıların sayı bəlkə də, yüzə yaxın olardı. Onlar isə cəmi 6 nəfər idi. Onlar geri çəkilməyə məcbur oldular. Malik Əsədov bir neçə yara almışdı. Amma o, yenə də cəsarətlə döyüşürdü. Şuşa polisinin əməkdaşları özlərini onlara yetirdilər. Lakin artıq gec idi. Malik gözlərini həyata əbədi yummuşdu. Ölümündan öncə Malik onlarla düşməni məhv etmişdi.

Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə Əsədov Malik Hamil oğluna ölümündən sonra “Azərbaycanın Milli Qəhrəmanı” adı verilmişdir.


Ətraflı

145685476_3594421663945552_2198990216655270110_n.jpg

"İgidlərimizi Tanıyaq" rubrikası- Əliyev Yusif

Ölümü ilə ölümsüzlüyə qovuşan Milli Qəhrəman - Əliyev Yusif.

Vətənin qorunması və torpaqların erməni quldurları tərəfindən təmizlənməsi Yusif Əliyev üçün ali vəzifəyə çevrilmişdi. Yusifin 1991-ci ilin fevralında Goranboyda ilk döyüşü olur və o, bu döyüşdən üzüağ çıxmağı bacarır. Erməni yaraqlıları Buzluq, Mənəşli, Erkəç kəndləri tərəfdən basqınlar edirdilər. Lakin 24 fevralda Mənəşli kəndinə hücum edildikdə ermənilər pərən-pərən düşdülər. Daha sonra elə həmin il 14 sentyabrda düşmən Buzluq kəndinə hücum etdikdən sonra əsgərlərimizə sursat çatdırmaq, həmçinin onları mühasirədən çıxarmaq üçün böyük fədakarlıq göstərən Yusif igidlik göstərərək şəhid olur.

Böyük rəşadət göstərməsindən və qəhrəmanlığından dolayı Əliyev Yusif Əliyusif oğlu ölümündən sonra "Azərbaycanın Milli Qəhrəmanı" adına layiq görülmüşdür.


Ətraflı

144582854_3584685188252533_1035825618607427579_o.jpg

“İgidlərimizi tanıyaq” rubrikası- Səyavuş Həsənov

Milli Qəhrəman - Həsənov Səyavuş Həsən oğlu.

1990-cı il 20 yanvar faciəsini eşidən Səyavuş Həsənov işləmək üçün getdiyi Tümen şəhərindən Vətənə dönərək xalq hərəkatına qoşulmuşdur. Torpaqlarımızı müdafiə etmək məqsədilə könüllü olaraq Qarabağa - cəbhə bölgəsinə yollanmışdır. O, bir çox bölgələrdə - Qazaxda, Goranboyda, Gədəbəydə, Şuşada igidliklə döyüşmüş, çətin hərbi tapşırıqları layiqincə yerinə yetirmişdir. 1992-ci ilin mayında Səyavuş Daxili İşlər Nazirliyinin polis dəstəsinə yazılır. Elə həmin il Ağdərə bölgəsinə yola düşən dəstə bir çox kəndlərin geri alınmasında böyük şücaət göstərmişdir. 1992-ci il iyunun 25-də Səyavuş Həsənov Qırmızıkənd uğrunda gedən döyüşlərdə qəhrəmancasına şəhid olur.

“Şəhid, səndən başlayır Vətən” adlı sənədli film Milli Qəhrəman Həsənova həsr olunmuşdur.

Azərbaycan Respublikası Prezidentinin 21 iyul 1992-ci il tarixli 69 saylı Fərmanı ilə Həsənov Səyavuş Həsən oğlu ölümündən sonra “Azərbaycanın Milli Qəhrəmanı” adına layiq görülmüşdür.


Ətraflı