News

156150724_3670074846380233_905178237723982913_o.jpg

"İgidlərimizi Tanıyaq" rubrikası-Məzahir Rüstəmov

İgidlik səlnaməsi yazmış Milli Qəhrəman - Məzahir Rüstəmov

Məzahir 1992-ci ilin martın 23-də könüllü olaraq Milli Orduya yazılıb, Şınıxa gəlir. Məzahir şəhər mühitindən çıxıb, odun-alovun içinə gəlmişdi. Lakin çətinliklər onu qorxutmurdu, hər zaman öz döyüşçüləri ilə düşmən üzərinə atılmaq əzmində idi.

1992-ci il avqustun 6-da erməni quldurları xeyli canlı qüvvə və hərbi texnika ilə qəfildən Mutudərə kəndinə hücuma keçir. Qanlı döyüş başlayır. Məzahir öz cəsur döyüşçüləri ilə kəndin müdafiəsinə qalxır. Onlar dinc əhalinin kənddən çıxmasına şərait yaradırlar. Məzahir son nəfəsinə qədər döyüşür, ümid etdiyi əlavə kömək isə gəlib çatmır. Bu döyüşdə Məzahir qəhrəmancasına həlak olur və düşmən əlinə diri-diri düşməsin deyə, axırıncı qumbarası ilə özünü partladır. Məzahirin faciəli ölümü, necə deyərlər “qığılcımdan alov törətdi”. Briqada komandiri, polkovnik Cahangir Rüstəmovun komandanlığı altında avqustun 8-də qoşunlarımız hücuma keçərək Mutudərəni və Başkəndi erməni quldurlarından təmizlədilər. Təəsüf ki, amansız ölüm Məzahirə qələbə sevincini dadmağa imkan vermədi.

Cəsarətindən dolayı Rüstəmov Məzahir İzzət oğlu ölümündən sonra "Azərbaycanın Milli Qəhrəmanı" adına layiq görülmüşdür.

#ASANKönüllüləri #ASANVolunteers #AKT #ƏsgərəMəktub #İgidlərimİZiTanıyaq


Details

154732957_3661260123928372_5076443600742398733_n.jpg

"İgidlərimizi Tanıyaq" rubrikası- Əlif Hacıyev

Son ana qədər Vətənin mənafeyini düşünən Milli Qəhrəman - Əlif Hacıyev

Əlif Hacıyevin əzmkarlığı nəticəsində Xocalı aeroportu ermənilərin nəzarətindən tamamilə çıxarılıb. Lakin, 25 fevral 1992 ildə ermənilər “Xocalı əməliyyatı”na başladı. Əlif Xocalı camaatı kəndi tərk etmək haqqında erməni vandalları tərəfindən edilən xəbərdarlığı qəbul etməyib, Bakıdan kömək gözləyirdi. O və dəstəsi səhər saat 5-ə qədər azğınlaşmış erməni yaraqlıları ilə vuruşub bir an belə olsun fikirlərindən dönməmişdilər. Döyüşlər qeyri-bərabər qüvvələr arasında getsədə Əlif və dəstəsi məğrurcasına torpaqlarımızı 5 gün qoruyub və bir çox canlı, texniki qüvvəni məhv etməyi bacarıb. Hacıyev bu qanlı və şiddətli döyüşdə misilsiz qəhrəmanlıqlar göstərərək, bir dəstə dinc əhalini Ağdamın Şelli kəndinə tərəf təhlükəsiz yerə çıxarıb. Bir daha geriyə dönərək, yenidən döyüşə atılıb. Lakin, avtomatın darağını dəyişərkən düşmən gülləsindən şəhid olub.

Bir oğlan uşağına “Qayıtsam, papağımı qaytararsan. Yox, əgər qayıtmasam papağımı yadigar saxlayarsan” ifadəsini deyən mayor Əlif Lətif oğlu Hacıyev ölümündən sonra “Azərbaycanın Milli Qəhrəmanı” adına layiq görülmüşdür.

Milli Qəhrəmanı hörmətlə yad edirik!


Details

153682833_3651959058191812_2632280862989856766_o.jpg

Masallı regional "ASAN xidmət" mərkəzinin könüllüləri şəhid İntiqam Əsgərli və qardaşı Nurlan Əsgərlinin ailəsi ziyarət olunub

Masallı regional "ASAN xidmət" mərkəzinin könüllüləri İkinci Qarabağ müharibəsində xüsusi şücaət göstərərək şəhid olmuş İntiqam Əsgərli və Aprel döyüşləri zamanı şəhid olmuş qardaşı Nurlan Əsgərlinin ailəsini ziyarət ediblər.

Könüllülərimiz qəhrəman oğulların valideynlərinin övladları haqqında xatirələrini dinləyiblər. İgidlərin atası əsgərlərimizə məktub yazaraq onlara mənəvi dəstəyini ünvanlayıb.

Qeyd edək ki, Əsgərli İntiqam Bayram oğlu Azərbaycan Respublikası Prezidentinin Sərəncamına əsasən "Vətən Müharibəsi Qəhrəmanı" və "Vətən Uğrunda" medalları ilə təltif olunub.

Şəhidlərimizə Allahdan rəhmət, ailəsinə səbr diləyirik!


Details

153115789_3647363488651369_9215355056050494486_o.jpg

“İgidlərimizi tanıyaq” rubrikası- Ərəstun Mahmudov

Şəhidlik zirvəsini fəth edən Milli Qəhrəman - Ərəstun Mahmudov

Cəsur hərbçi Ərəstun Mahmudov özünü işgüzar və
aviasiya texnikasını yaxşı bilən mütəxəssis kimi tanıtmış və məhz bu səbəbdən Ukraynaya növbəti ixtisasartırma kursuna göndərilmişdir. Bundan sonra o, Mİ-8 vertolyotunun bort-mexaniki təyin edilmişdir. Daha sonra o, erməni yaraqlılarının cəbhəboyu ərazilərdə təxribatlarının alovlandığı vaxtda Dağlıq Qarabağ və Ermənistanla həmsərhəd olan rayonlarda döyüş əməliyyatı keçirən ekipajın tərkibinə daxil edilmişdir. Ərəstun Mİ-8 vertolyotunun heyəti ilə dəfələrlə döyüş bölgələrinə ezam edilmiş, öz canından, qanından olan xalqının döyüş ərazilərindən köçürülməsində, döyüş bölgələrinə ərzaq və müəyyən ləvazimatların çatdırılmasında yaxından iştirak etmişdir. 28 yanvar 1992-ci ildə Ağdam və Şuşa marşrutu üzrə yerli əhalini daşıyarkən Mİ-8 vertolyotu düşmən tərəfindən mənfurcasına raketlə vurulur. Bütün heyətlə birlikdə Ərəstun Mahmudov da qəhrəmancasına həlak olur və şəhidlik zirvəsinə ucalır.

Döyüş ərazisində göstərdiyi rəşadətdən dolayı Mahmudov Ərəstun İspəndi oğlu ölümündən sonra “Azərbaycanın Milli Qəhərmanı” adına layiq görülmüşdür.

Milli Qəhrəmanımızı hörmətlə anırıq!


Details

153395515_3640925809295137_5173448326717437968_o.jpg

"Əsgərə Məktub" var

Vətəndaşımız tərəfindən yazılmış “Əsgərə Məktub”u sizinlə paylaşırıq!

Qeyd edək ki, hər biriniz www.esgeremektub.az saytına daxil olaraq və ya "ASAN xidmət" mərkəzlərində yerləşən "Əsgərə Məktub" köşklərinə yaxınlaşaraq qələbəni bizə yaşadan qəhrəman əsgərlərimizə öz ürək sözlərinizi ünvanlaya bilərsiniz!


Details

151264764_3628579593863092_3843820540252383042_n.jpg

"İgidlərimizi Tanıyaq" rubrikası- İsmayılov İnqilab

Canı və qanı ilə adını tarixə yazdırmış Milli Qəhrəman - İsmayılov İnqilab.

Zaman keçdikcə, vəziyyət gərginləşirdi. Xocalı hər tərəfdən mühasirəyə alınmışdı. Tezliklə buradan uşaqları, qadınları və qocaları çıxarmaq lazım idi. İnqilab bu işdə camaata öz köməyini əsirgəmirdi. 1992-ci il fevralın 25-dən 26-na keçən gecə Xocalıda erməni quldurları tarixdə misli görülməmiş soyqırımı törətdilər. İnqilab yoldaşları ilə birlikdə vuruşa-vuruşa sağ qalıb camaatın bir hissəsini düşmən mühasirəsindən çıxara bildi. İ.İsmayılovun alayı Daşbaşı yüksəkliyini göz bəbəyi kimi qoruyurdu. Erməni silahlı birləşmələri bu yüksəkliyi ələ keçirmək üçün dəfələrlə hücuma keçir, lakin ağır itki verərək geri çəkilirdi.

Düşmən həmin ilin 12 iyununda böyük qüvvə ilə Daşbaşı yüksəkliyinə yenidən hücum etdi. Cəsur döyüşçülər bu dəfə də hücumun qarşısını məharətlə aldılar və düşmənin 6 postunu sıradan çıxardılar. İnqilab bu döyüşdə qələbəni öz qanıyla yazdı. Cəbhə dostları nə qədər cəhd etsələr də, onun cəsədini döyüş meydanından çıxara bilmədilər.

Qəhrəmancasına döyüşərək şəhidlik zirvəsinə ucalan İsmayılov İnqilab Ələkbər oğluna ölümündən sonra “Azərbaycanın Milli Qəhrəmanı” adı verilmişdir.


Details